Магистeр по социјална работа и политика
Терапевт за личен раст и развој
Лиценциран ПЕАТ процесор на оваа метода
Мајка и сопруга
Мојата животна приказна и патот по кој чекорам денес е доказ дека прифаќањето на сопствената целост е патот кон полновреден начин на живеење. Знам што значи кога се негираат и кога не се прифаќаат „тешките“ делови од себе и со какви последици се соочуваме кога сме „несвесни“.
Несвесните дејства, стремејќи се да станам поразлична, единствена, препознатлива и призната, видена и оценета па дури и совршена се мое повеќегодишно животно искуство. Трудот што го вложив за да задоволам нечија волја, да решам се што можам, да помагам, за доброто на другите, ме однесе до патот на неутралнaта чувствителност и непрепознатливоста на самата себе си. И кога сите мислеа дека сум позитивна, насмеана, ведра и енергична, тоа стана маска за надворешните “проценувачи”. Ме прифатија затоа што беа добро, затоа што моето време беше нивно време. И кога се доведов до ситуација да бидам слаба, тоа беше неприфатливо. Во тој момент имав две можности: или целосно да потонам, или да излезам на површина работејќи на себе, ослободувајќи се од старите верувања и старите механизми, за да поставам нови, сопствени стандарди кои водат до посреќен живот. Сфатив дека не можам да ги променам другите и околината, но можам да се променам себе си.
Во изминатава деценија поминав низ различни програми за личен развој, но целосен пресврт ми се случи по хипнотерапијата (QHHT методата) со Валентина Апостолоска- Ѓоргиеска, која што ми овозможи да спознаам која сум, од каде доаѓам, зошто сум овде, кој е мојот потенцијал и која е мојата животна мисија.
Во мојата понатамошна потрага по смислата на животот, дојдов до сознанието дека некои долгорочни проблеми можат да се решат за многу краток временски период а чувството за духовен раст, ме поттикна да бидам дел од изучувачите на ПЕАТ техниките. Така станав сертифициран ПЕАТ процесор, целосно посветена да им помагам на другите, да го пренесам моето неколкугодишно акумулирано знаење, затоа што знам дека секој има право на слободен живот по сопствени стандарди, бидејќи вистината е една, лична и единствена. Со методите на ПЕАТ, со кои што работам, се решаваат различни проблеми во краток временски период како што се: загриженост, анксиозност, панични напади, гнев, опсесивност, тага, физички болки и нарушувања, алергии, но и тешки фобии како што се : страв од летање, страв од затворен простор, страв од јавен настап пред непознати лица, страв од смрт, отстранување на најтешките трауми во животот,адикција- зависности, недостаток на самодоверба и самопочит, срамежливост, постојано одложување на обврските и активностите, проблеми со учењето, отпор, агресија, ….
Јас уживам во процесот на живот и со нетрпение ја очекувам секоја можност што ми овозможува да ја развијам мојата целовитост и да го подобрам квалитетот на моето живеење.
Ред е, вие тоа да го сторите за вас, затоа со нетрпение ја очекувам секоја средба со вас.
раст и развој.
Целта на мојата работа